寫台文工具 · 文章標音・漢羅轉換・台語發音

台語文章標音:漢羅⇄台羅 TL/白話字 POJ,閣會唸出來。

貼台語文章,自動分詞、即時標台羅(TL)佮白話字(POJ)雙軌對照:連讀變調、輕聲、多音字點字就換,逐詞會當連去教典看釋義;看 POJ/TL 嘛會當倒轉漢字。勾「🔊 唸予我聽」,會照讀音一句一句抑是規篇唸予你聽。全部佇你的瀏覽器本機處理:免登入、免安裝,文字毋上傳。佮寫台文輸入法仝一套詞典佮轉換核心。

想欲讀推薦文章、看詞性佮釋義、聽教典真人原音,會使用國家教育研究院的台語文閱讀輔助系統;本頁專工做本機轉換:TL 佮 POJ 雙軌、羅馬字倒轉漢字、變調輕聲。

例句出自教育部《臺灣台語常用詞辭典》(CC BY-ND 3.0 TW)——點一句直接看變調讀音佮 POJ。

漢羅 → TL/POJ

點漢字換讀音;⟨?⟩ 表示詞典揣無。

台羅 TL

—

白話字 POJ

—
開進前請看:會下載約 30 MB(或 58 MB)、授權佮原理
  • 下載佮儲存:頭一擺撳唸會下載語音模型:預設細版約 30 MB,會使換做原版約 58 MB;閣有語音引擎約 11 MB。了後模型存佇你的瀏覽器(Cache Storage),後擺通常免閣下載(清除網站資料、抑是瀏覽器空間無夠回收快取,就愛重新下載)。欲清掉:瀏覽器設定 → 清除這个網站的資料。毋開這个功能就毋會下載。
  • 攏佇你的電腦內底走:語音佇瀏覽器本機合成,文字毋會傳去伺服器。
  • 技術:Meta MMS-TTS 台灣台語模型(白話字 POJ)(VITS 神經網路語音合成),用 ONNX Runtime Web(WebAssembly)佇瀏覽器合成。文字先用本站的轉換核心轉做白話字(模型認得的拼寫),逐句合成、頭一句好就先放。
  • 授權:模型是 CC BY-NC 4.0(非商業用途);轉換成 ONNX 出自 willwade/mms-tts-multilingual-models-onnx,本站改存縮細的權重(細版 8 位元、原版 16 位元;計算攏照 32 位元;初步客觀量測差異小,音質猶未經聽感評估)。本工具非商業用途。
  • 限制:干焦一種聲;MMS 系列模型用聖經朗讀錄音訓練,口氣可能較像讀經(音質猶未系統評估);變調由模型家己處理,毋一定準;白話字鼻化符號 ⁿ 模型無支援,會唸做無鼻化;詞典揣無讀音的字會略過。

資料來源:iTaigi 華台對照典(CC0)・台華線頂對照典(CC BY-SA 4.0)・台灣植物名彙(CC BY-SA 4.0)・教育部「以本土語言標注臺灣地名」(CC BY 3.0 TW)・教育部學科術語臺灣台語對譯 STTI(依官方說明開放運用、標示來源)・新北市104學年度閩南語字音字形900例句工作坊(Taiwanese-Corpus,MIT;標示來源)・李江却台語文教基金會 LKK 用字表(標示來源)・教育部臺灣台語常用詞辭典(萌典版,CC BY-ND 3.0 TW;例句重刊標示來源)・寫台文主詞庫(延伸詞層;混合授權非商業,CC BY-NC-SA 成分完整揭露於 LICENSE)・iCorpus(CC BY 4.0)。 轉換核心佮輸入法仝一套(rime-phah-taibun,程式 MIT)。本工具非商業用途,僅作台語學習教育之用;各來源授權以原釋出條款為準。原理佮名詞見使用說明・網頁工具。

載入詞典中…